فلاتر

 زي ما انتو شايفين عدلت على الصور باستخدام برنامج polarr، طبعا الي شدني في البرنامج انه في خيارات كثير وتعديلات للالوان، وفي ميزة الي جذبتني اكثر واكثر له الي هي مشاركة باركود، يعني اقدر اسوي فلتر واشارك باركود حقه  وارسله لكم وتستخدموا نفس الفلتر الي انا استخدمته!! ، ومو شرط انتو مسويينه، متخيلين تقدروا تلاقوا فلاتر على كيفكم بالإنترنت او في pinterest وكمان في صفحات متخصصة لانشاء اكواد في الانستا، يعني تقدروا تطلعوا الاشياء الي تعجبكم، لكن العيب الوحيد في الاكواد انه الفلتر هاد يمكن ما يضبط على كل الصور يعني ممكن يكون في خلل بالالوان لانه هو مصمم لالوان معينة بس هاد الشي ما ينطبق على كل الاكواد في بعضها مسويينه باحترافية بحيث تضبط على كل الصور. الان بشارك معكم الاكواد الي سويتها للامانة سويت 2 والـ 3 جاهز ماخذته من برا

اعدادي

جربت الفلتر على صورة الفهد وخربت الالوان لاني مصممة هالفلتر بس لهالصورة او للالوان القريبة منه، وزي ما انتو شايفين زدت تغميق الالوان وزدت اشياء ثانية لكن الواضح الان هو تغميق الالوان. 

اعدادي

هاد احتمال يضبط على اكثر من صورة جربته على الوردة وطلع مضبوط، وبرضه الالوان صارت زاهية اكثر. 

ليس من اعدادي

هاد مش من اعدادي بل طلعته من النت، مكتوب اسمي تحت لاني عدلت عليه في شي بسيط بس حتى اقدر احفظ الكود واشاركه معكم، طبعا ما اقدر احفظ الكود الا اذا كنت انا مسويته او معدلة عليه فهذا الشي حلو شوي بحيث يحفظ الحقوق. 

في الختام اتمنى انكم استفدتوا ولو شي بسيط، حبيت اتكلم عن هالبرنامج لانه حلو وممكن يفيدكم، وبحط لكم طريقة ادراج اكواد بتيمز او شرح بسيط له. شكرا لقرائتكم ❤ اعتذر عشان تكلمت بالعامية لكن حسيت بتوصل المعلومة بشكل اوضح.